التاريخ : 2010-10-25
الوقت : 9:51:31 AM

رفع اسعار مأكولات المطاعم الشعبية الشهر القادم

خبرني- تصدر دائرة ضريبة الدخل والمبيعات, مطلع الشهر المقبل, قائمة جديدة باسعار أصناف المأكولات والحلويات التي تبيعها المطاعم الشعبية المعفاة من ضريبة المبيعات, تتضمن رفع اسعار بعضها عما هو معمول به.

وقالت دائرة ضريبة الدخل والمبيعات, في تصريح لابراهيم خريسات في (العرب اليوم), انها (انهت دراسة قائمة السلع المعفاة من ضريبة المبيعات, التي تقدمت بها نقابة أصحاب المطاعم والحلويات), مؤكدة توجهها لـ (رفع اسعار بعض الأصناف, وبنسب بسيطة تعكس الارتفاع الحقيقي لأسعار المواد التي تدخل في صناعة هذه السلع, وذلك استجابة لارتفاع اسعار بعض مدخلات الإنتاج).

ونفت (دائرة الضريبة) رفع اسعار سلع وأصناف اثبتت الدراسة ان مدخلات انتاجها لم يطرأ عليها أي ارتفاع.

وطالبت نقابة أصحاب المطاعم, في كتاب رفعته لدائرة ضريبة الدخل والمبيعات, بـ (دراسة زيادة اسعار المأكولات والحلويات للمطاعم المعفاة من ضريبة المبيعات, حيث تضم قائمة من 228 بندا لمختلف أصناف منتجات المطاعم الشعبية (الوجبات, السندويشات, المقبلات, المعجنات, الحلويات, المشروبات) لزيادة أسعارها بنسب تتراوح ما بين 10 - 40%, إلا ان ضريبة الدخل ستعدل بعض الأسعار بناء على الدراسة التي أجرتها).

واعفت دائرة ضريبة الدخل والمبيعات المطاعم من ضريبة المبيعات على الوجبات الشعبية التي تقدم في المطاعم غير المصنفة سياحيا (الشعبية), شريطة ان تقوم المطاعم بتخفيض أسعارها مع المحافظة على جودة المنتجات.

  • ( 1 )
    أردني أصيل
    الله لا يعطيكو العافيه على هيك عمله
  • ( 2 )
    خلص من مين و الا مين بدنا نتلقاها
    حسبنا الله ونعم الوكيل
  • ( 3 )
    مواطن
    ارفعوا كمان وكمان بكره
  • ( 4 )
    محسن
    انا مش فاهم كيف نسبة بسيطة و وتتراوح النسب بين 10% الى 40 5 طبعا انسى العشرة وركز على 40 يني شو ظل للفقير البندورة وغلتوها والفلافل بدكو تغلو حسبنا الله ونعم الوكيل
  • ( 5 )
    ابا ذر
    الله لا يوفقكوا ...
  • ( 6 )
    امجد حياصات
    أي ثقة بتحكوا عنها .... عاجبك يا دولة الرئيس المحترم وضع المعيشة للمواطن الأردني ... أقولك خذوا الرواتب و بس نعيش مرتاحين وياريت نرجع للسكنة في بيوت الشعر ونربي الغنم والدجاج بس الخوف يصدر قرار بعدم تربية الحلال والدواجن بالمناطق الريفية والصحراوية ... أرجوا من إدارة خبرني النشر لأنه ما في أي إساءة لأي شخص ولكم كل الإحترام
  • ( 7 )
    سوسن
    اذا حبة الفلافل بتنباع ب 4 قروش والسانويش بين 40 الى 80 قرش لاحظو انا بحكي فلافل يعني اذا رفعو سعرو فوق مهو مرفوع شو الناس تسوي
    الله بعلم سانوش الشاورما اديش بصير
    وحدث ولا حرج
  • ( 8 )
    يا حرام
    ياحرم يا ويلكو من الله حسبنا الله ونعمة الوكيل فيكوا شو ضل علشان تغلوا ضل الانسان ارخص شي بدنيا
  • ( 9 )
    الله يستر
    حتى هذه السلع والرئيس يطمح فى التعديل الوزارى . انتخبوا اصحاب المؤسسات ورجال الاعمال , هل تعتقد ان الذى يصرف المبالغ التى ترونها فى الدعايه الانتخابيه يمكن ان يعرف كيف يشترى حمص وسندويشه فلافل والباقى عندكم .























    و
  • ( 10 )
    كفاية
    الله لا يعطيكوا عافية دارين على رزق الناس الغلبانين ما تلهطوا من الاغنياء اللي اصلا عم بنهبوا رزق الفقراء منكم لله ....................ز
  • ( 11 )
    طفران
    طيب ليش ما تسيبو المطاعم الشعبية بحالها، وتحطو ظريبة على سيارات المرسيدس والروفر والبورش إلي معبية البلد مثلاً؟!؟!؟!؟! وليش ما تحطو ظريبتكم على المطاعم ال7 نجوم إلي كاسة الشاي فيها ب5 ليرات؟!؟!؟!؟! وعلى الكوفي شوببات إلى راس المعسل وكاسة الزهورات ب12 ليرة؟!؟!؟! وسيبو الفلافل أبو الربع ليرة والساندويشات إم النص بحالها للطفرانين إلى بحالتنا..
    أرجو من إدارة خبرني النشر الكامل،، لا يوجد إسائة لأي شخص أو أي جهة
  • ( 12 )
    ابراهيم- مواطن معتر
    ارحمونا مشان الله كمان لاحقينا على أكلة الفقراء الفلافل والحمص ولا كله بدخل بسد عجز الموازنة كمان. والله شكلها سلسلة حلقات سد الميزانية لسا بأولها والله يستر من بكرا يا جماعة الخير
  • ( 13 )
    أحسنتم . نريد المزيد من رفع الأسعار حتى تزيد حركة النشاط التجاري خلينا نشوف مين رح يشترى إشي من الأسواق مع هالرفع .
  • ( 14 )
    مواطن من عشاق الفلافل
    لا الوم الحكومة ولكن لنلوم انفسنا، خليهم يرفعوا كل شي بس لا تشتروا خلي الحكومة تترجى المواطن بس يشتري وخلي الحمص يدود في المطاعم اذا بتقاطعوا يومين بتنتهي الازمة وبتنتهي معها الحكومة
  • ( 15 )
    فقيرة لله
    الله لا يعطيكو عافية فوق تعبكو وقفت على الفلافل ترفعوها اصلا احنا ملاقيين شي ناكله غيرو يله النا الله!!!!!!!!!!!!!!!!!!!!!!!!!!
  • ( 16 )
    اردنـــــــــــــية
    الله لا يسامحكو هو من قليل الجرائم الي بتصير في البلد كل واحد ببلش بالثاني
  • ( 17 )
    الى 13
    اصلا هذا هو السر...انه مع كل هالرفع و الناس بشتري بشكل طبيعي صح في تذمر بس الحركه عاديه الكل بشتري ...لو الكل بقاطع البضائع الغاليه و الله غير كل اشي ينزل لانه خلص ما ضل غير الخبز يرفعو
  • ( 18 )
    حميدان الغلبان
    من يوم ما شفت مسؤولين كبار قبل حوالي شهرين بتعشوا هم وزوجاتهم من مطعم هاشم قلت خلص الكبار حطوا عينهم على لقمة الفقراء والله يسلمكم واشكروا ربكم على العافية
  • ( 19 )
    علي
    انشاءالله تيجي يوم القيامه وكل واحد بعرف شو عمل في حياتو
    ارحمو من في الارض يرحمكم من في السماء

    من شان هيك حرام تشتي وتنزل مطر على
    اذا ربنا بدو ينزل المطر بنزلو بس من شان الشجر والحيوانات . لا حول ولا قوه الا بالله
  • ( 20 )
    واحد من الناس
    يلا البندورة امبارح و الفلافل اليوم
    شكلوا في حملة امنية لاللقاء القبض عليهم
  • ( 21 )
    اردني مغترب
    و الله زمان كانت امنية حياتي اني ارجع استقر بالأردن، بس من بعد آخر اكمن اجازة ، و بعد الأخبار للي بنقراها يوميا عن ارتفاع الاسعار، لا حبيبي خلينا هون احسن و ارحم
  • ( 22 )
    طائر الفينيق
    يعني مش معقول أنه الحياة هون في الامارت (مع استثناء السكن ) صارت ارخص من الاردن ، و انه الحياة في السعودية صارت اقل بكثير من الاردن (مع فرق الراتب طبعا)
  • ( 23 )
    طائر الفينيق
    الى حميدان الغلبان: بكرة تطلع الحكومة و بتقول انه هذا الرفع لن يؤثر على ذوي الدخل المحدود ، طبعا حتى الفلافل بطل يصير لذوي الدخل المحدود
  • ( 24 )
    اشرف سمحان
    لا بد للحكومة ان تعمل على حماية الطبقى الوسطى الآخذة بالتلاشي، فهي صمام الأمان للوطن و المجتمع
  • ( 25 )
    محب الاردن
    بعد فتره سوف ننسى اكله الفلافل منقرضه ولما نحط صوره صاج الفلافل نكتب تحتها صوره تعبيريه
  • ( 26 )
    سقا الله فراقكو
    حسبي الله ونعم الوكيل على هيك حكومة
    حسبي الله ونعم الوكيل على هيك حكومة
    حسبي الله ونعم الوكيل على هيك حكومة
    حسبي الله ونعم الوكيل على هيك حكومة
    حسبي الله ونعم الوكيل على هيك حكومة
    حسبي الله ونعم الوكيل على هيك حكومة
    حسبي الله ونعم الوكيل على هيك حكومة
    حسبي الله ونعم الوكيل على هيك حكومة
  • ( 27 )
    فايق ورايق
    شكرا على هذه المنحة العظيمة .
  • ( 28 )
    فقيرة الوطن
    حرام عليكم كل شيء رفعتوا سعرة ، ولحقتونا على الفلافل واكل الفقراء ، البندورة فقدناها النا اكثر من شهرين ما شفناها لارتفاع سعرها ، الموظف الغلبان على شو بدة يلحق، بترفعوا سعر كل شيء والرواتب زي ما هي ارحمونا لمين بدنا نشكي همنا حسبي الله ونعم الوكيل
  • ( 29 )
    بنت الكرك
    والله ما بعرف العالم شو رح تأكل الناس حرام والله حرام ع الرواتب الي مثل النار لازم كمان يرفعوا كمان كمان عيب والله عيب
  • ( 30 )
    انــا
    هاهاهاها ما ضل غير الفلافل

    خلص جوعوو ليه تاكلووو حراام الاكل

    الله يعين الناس ضلكم غلووو و احنا بناكل هووااا
  • ( 31 )
    زهقتوناااااااااااااااااااااااااااا كرهتونااااااااااااااا العيشة
    خلص بكفي
  • ( 32 )
    عندما ارتفع الحمص الحب والطحينيه رفعوا المطاعم اسعارهم وعندما انخفض اسعار احمص والطحينه ابقت المطاعم على اسعارها
  • ( 33 )
    طفيلي
    والله شو ما حكيتو و شو ما سويتو
    رئيس الوزراء بهمه راحته الشخصيه وليس راحة المواطن والله انا شايف اذا الوضع ضلو هيك كمان شوي منصير نشتري الهوا بالمصاري وين الرقابه وين الحكومه الى متى انتو بتلاحظو انو كل اشي ارتفع سعره
    والله انا شايف الحكومه بتذايق على المواطن اكثر و اكثر الله يستر ما يكون مجلس النواب القادم
    هو و قلته واحد
  • ( 34 )
    اقتصاد
    يعني ما انتو عارفين انو الحكومة بمأزق مالي شديد جدا هذا بعد ان بيعت معضم اصول الدولة المنتجة, الوضع من زمان مأزم بس كان في اشي ينباع هلا بح.. مصروفات الحكومة عالية بحيث انو الايرادات لا تكفي لتغطيتا. يعني دولة ميزانيتها 6 مليار و كان في عجز مليار وشوي. بالنسبة الي الله يعين الحكومة لعدة اسباب :
    1-مصادر الايرادات شحيحة جدا و المواطن ما عندو يدفع ضريبة.
    2-سوء التخطيط و التخبط بالسياسات الاقتصادية و الضغوطات الخارجية الي مستحية الحكومة تكشف عنها لحفظ ماء الوجه.
    3- الشعب !!!!!
  • ( 35 )
    شركس
    والله انا كنت مفكر انو كلمة (المطاعم الشعبية) تعني ان اسعارها بمتناول الشعب.

    بس هيه من زمان بطلت علبه حمص بدينار وسندويشه بربع الى دينار.
    الله يكون بعون الشعب بجوز تتحول المطاعم الشعبية من فلافل الى حفايات
    إحترامي لجميع الشعب الاردني الكادح
  • ( 36 )
    طنجرة ضغط
    شكلها الفلافل غارت من البندورة
  • ( 37 )
    غالية الى 33
    والله أعلم بس أنا بحكيلك مقدما هو وقلته واحد لما النائب يوخذ راتب بالالاف شو بهمه هيك زيادة بس الحق عللي بده ينتخب
  • ( 38 )
    يارا
    ههههههههههههههههههه
    هلا عمي
  • ( 39 )
    يا الف مرحبا
    بسيطة عمي اصلا الفلافل بنفخ المعدة يعني مش كويس


    سيبك سيبك

    قال بدنا نتجوز هخ هخ هخ

    والمشكله كل مدراء الشركات بحبوا يوظفوا البنت قبل الشب بتعرفوا لانه الشب مشكلجي

    والبنت ملتزمه بعدين رواتب البنات بتفتح بيوت واحنا يا دوب يعطونا حق بكيت الدخان
  • ( 40 )
    أنا
    يلا قبل البرلمان الجديد .. بدنا شغلات كثيرة:
    ١- تنكة البنزين 20 دينار
    ٢- ضريبة على المشي في الشوارع
    ٣- صحن الحمص او الفول 5 دنانير
    ٤- الكهرباء
    ٥- الماء
    ٦- الاتصالات
    ٧- المواصلات
    ٨- الصحة
    ٩- المدارس والجامعات
    الخ الخ الخ مبروك عليكم مقلب حكومة الرفاعي
  • ( 41 )
    عمر
    ان يا اخوان صاحب مطعم شعبي و بعد خصم رواتب العمال و المواد و الايجار و الكهرباء و الماء ما بظل 100 دينار ، في الصيف كانت فتحة الباب علي ب 140 دينار مع المواد و ببيع ب180 دينار ، بس و الله هسة ارتفعت المواد و صندوق البندورة ب 4 دناينير بدل 75 قرش وعد باقي الخضرة و احسن يوم قاعد ببيع ب 80 - 90 دينار ، عندي و عند جيراني - و الفلافل ما وراها مربح قاعدين بنبيع 4 حبات بشلن و تنكة الزيت حقها 17.5 دينار .............باختصار المناطق الشعبية الناس ما معها توكل و الله ما معهم يوكلوا ....اصحا يا مواطن
  • ( 42 )
    سلطية
    الله يكسر خاطركو
  • ( 43 )
    قريب
    هذه الدائرة فاشلة في ادارة هذا الموضوع وعن دراستها فلا يوجد بها احد يفهم بالدراسات وهنالك اشخاص يبرمجون الوضع بما يخدم مصالحهم والمشكلة ان المدير مش داري عن اللي بصير حوله مع انهم قريبين منه كثيرا
  • ( 44 )
    والله حرام!!!
  • ( 45 )
    معاني 2
    والله يالفلافل صارلك سعر وصيت ودخلت التاريخ في الاردن
   
الإسم
نص التعليق
الأولوية في النشر للأسماء الصريحة ، وتتم مراجعة كافة التعليقات ،وتنشر في حال الموافقة عليها فقط ،ويحتفظ موقع خبرني بحق حذف أي تعليق في أي وقت ،ولأي سبب كان،ولن ينشر أي تعليق يتضمن إساءة أو خروجا عن الموضوع المطروح ، علما ان التعليقات تعبر عن أصحابها فقط .